Mjeku i njohur Petrit Vargu përmes një postimi në rrjet ka ironizuar Kryeministrin Edi Rama dhe Rilindjen, lidhur me qëndrimin e mbajtur prej tyre pas 9 kushteve të vendosura nga Gjermania ndaj Shqipërisë, që kushtëzojnë hapjen e negociatave me BE-në.
Vargu shkruan se farsa e fundit e kryeministrit janë deklaratat se qeveria ka plotësuar kushtet, tani të gjithë të plotësojmë rekomandimet.
Postimi nga Petrit Vargu
“Qeveria i plotësoi kushtet. Tani të gjithë së bashku të plotësojmë rekomandimet”. Kjo është farsa e fundit e kryeministrit, i cili mendon që me propagandë mund të mbulojë gjithçka.
Po pse populli e kanabizoi vendin apo qeveria? Populli i emëroi injorantët e rilindjes në vendet kyçe të administratës, apo PS e kapur prej rilindjes?
Shikojini nëntë kushtet dhe do kuptoni që i gjithe faji është i atij që e ka kapur shtetin për fyti.
