Dy persona janë arrestuar nga operacioni antidrogë, ku u sekuestruan 1 kg kokainë, e cila kishte ardhur me kontejner në portin e Durrësit, nga Pireu i Greqisë. Në pranga u vu Ardian Bega, Altin Mysliaka, si dhe është shpallur në kërkim shtetasi me inicialet G.M. Ndaj dy të arrestiuarve, gjykata dha masën e arrestit me burg në përputhje me kërkesën e prokurorisë.
Skema e trafikut Ekuador-Pire-Shqipëri, kishte pak ditë që po hetohej nga policia greke.
Sipas hetimeve, një pjesë e ngarkesës së kokainës, e cila ishte nisur nga Ekuadori u pikas nga policia greke, u zëvendësua me oriz në një aksion sekret në portin e Pireut në përpjekje për të futur në kurth porositësit.
Pasi e ambalazhuan drogën në mes të orizit, policia brenda tyre vendosi edhe GPS (aparat lokalizues). Kontejnerët kishin mbërritur në portin e Pireut në datën 26 gusht, ndërsa në 19 shtator ata mbërritën në portin e Durrësit.
Aksioni fillimisht u raportua nga mediat greke.
Mediat greke zbardhin operacionin: Si u gjetën kontejnerët me kokainë në Durrës
