Deputetët e koalicionit qeverisës në Gjermani kanë vendosur që Shqipërisë t’i hapen negociatat me kushte, ndërkohë që Maqedonia e Veriut do të përparojë shumë shpejt duke nisur atë që njihet si Konferenca e Parë e pranimit. Në zhargonin e BE, ky është momenti kur hapen negociatat. Por për Shqipërinë do të mbahen dy konferenca, çka nënkutpn se kushtet do jenë në dy faza.
Konferenca e parë për prezantimin e grupeve të negocimit do të zhvillohet vetëm atëherë kur Qeveria Gjermane të konstatojë plotësimin e dy kushteve
- Vënia në punë e Gjykatës Kushtetuese dhe Gjykatës së Lartë.
- Miratimi i Reformës Zgjedhore, e cila të jetë në përputhje të plotë me rekomandimet e OSBE/ODIHR dhe të sigurojë një financim transparent të partive dhe fushatave zgjedhore. Reforma duhet të bëhet në një dialog të hapur dhe gjithëpërfshirës të të gjitha forcave politike.
