Depozitat në euro, u rritën në fund të tremujorit të parë të vitit 2016 me rreth 5%, krahasur me të njëjtën periudhë të vitit kaluar.
Sipas Bankës së Shqipërisë, kjo ka bërë që likuiditetet e lira në euro të rriten dhe bankat të kërkojnë mënyra alternative për t’i investuar.
Por referuar statistikave, e kundërta ka ndodhur me kreditimit, i cili është dobësuar gjatë kësaj periudhe, sidomos në monedhën e huaj (euro, dollarë).
Banka Qendrore vëren se kredia në lekë paraqitet në rritje, ndërsa kredia në valutë është në rënie me rreth 6% me bazë vjetore.
