Në aksidentin e ndodhur në fshatin Paper në Elbasan kanë humbur jetën 4 persona.
Nga raportimet e para mësohet se viktimat ndodheshin në të njëjtin automjet që drejtohej nga shtetasi G.K. Mes viktimave ndodhet edhe një vajzë 25-vjeçare.
Në aksidentin tragjik janë përfshirë 3 automjete.
Policia ka nisur hetimet dhe dyshohet se shkak i aksidentit ishte shkelja e rregullave të qarkullimit.
Nga raportimet mësohet se automjeti ku ndodheshin viktimat pas përplasjes me një prej automjeteve, është përplasur më pas me trafik-ndarësen.
Ndërkohë mësohet se nga ky aksident tragjik dy persona ndodhen në spitalin rajonal të Elbasanit, por janë jashtë rrezikut për jetën.
Njoftimi nga policia
Më datë 23.09.2019, në aksin rrugor Elbasan- Papër, ka ndodhur një aksident rrugor ku janë përplasur tre automjete, mjeti me drejtues shtetasin G.K, mjeti me drejtues shtetasin O.Sh dhe mjeti me drejtues shtetasin E.R.
Për pasojë katër shtetas kanë humbur jetën të cilët ishin pasagjerë në mjetin që drejtohej nga shtetasi G.K, kanë humbur jetën. Ndërsa dy të tjerë janë jashtë rrezikut për jetën të cilët janë transportuar për ndihmë mjekësore.
Grupi hetimor ka shkuar në vendngjarje dhe po kryen veprimet për zbardhjen e shkakut të aksidentit.
