Një 32-vjeçar humbi jetën si pasojë e një aksidenti rrugor të ndodhur dje në mbrëmje në Durrës.
Viktima, R.Ç, 32 vjeç, po ecte me biçikletë, kur u përplas nga një automjet që drejtohej nga shtetasi E.C, 28 vjeç.
Pas aksidentit, drejtuesi i mjetit është larguar nga vendi i ngjarjes, por u kap nga policia pas disa orësh.
Policia bën me dije se më datë 17.09.2019 u arrestua në flagrancë shtetasi E.C., 28 vjeç, banues në Durrës, për veprat penale “Largimi nga vendi i aksidentit” dhe “Shkelja e rregullave të qarkullimit rrugor”.
Materialet u referuan në Prokurorinë pranë Gjykatës së Shkallës Parë Durrës.
