Kryeministri Edi Rama ishte i pranishëm mëngjesin e sotëm në shkollën 9-vjeçare “Servete Maçi”, një prej shkollave të reja të Tiranës.
Rama mbajti një fjalim para të pranishmëve, kryesisht stafit pedagogjik, dhe në fund zgjodhi një batutë, me të cilën gjatë viteve të opozitës, ironizonte kryeministrin e kohës, Sali Berishën.
Dikur thoshte se po të hapësh televizorin del Berisha, por mund të dalë edhe po të hapësh dollapin. Ndërsa sot, Kryeministri Rama tha “s’po flas më shumë më, ndërkohë që po ju mori malli do me keni në frigorifer në vijim, se ne televizor po e po, nuk diskutohet”.
Një batutë të ngjashme, Kryeministri Rama e ka përdorur edhe 1 vit më parë, ku gjatë një takimi në kombinat tha se “në televizor ju dal çdo ditë, por do ju dal edhe në frigorifer së shpejti”.
