Kryeministri Edi Rama ka njoftuar në rrjetet sociale se do të prezantojë nesër projektin e Aeroportit Ndërkombëtar të Vlorës.
Rama njofton se edhe pas negociatave të tejzgjatura që si përfundim ishin të pasuksesshme, qeveria u angazhua drejtpërdrejtë në bërjen e projektit të Aeroportit Ndërkombëtar të Vlorës në mënyrë që të mos humbej koha.
“Gati projekti për Aeroportin Ndërkombëtar të Vlorës.
Pas negociatave të tejzgjatura, por si përfundim të pasuksesshme me konsorciumin që shprehu interes për realizimin e Aeroportit Ndërkombëtar të Vlorës, u angazhuam drejtpërdrejt në bërjen e projektit për të mos humbur tjetër kohë të çmuar.
Falë një pune voluminoze në bashkëpunim me një skuadër ndërkombëtare ekspertësh nën drejtimin e studios së famshme ARCHEA, kemi në dorë një projekt ambicioz të standarteve më të larta teknike e arkitektonike.
Për më shumë nesër në Vlorë në prezantimin e projektit, tek “Tre Racat”, 17.00. VloraqëDuam. ShqipëriaqëDuam”, shkruan Rama.
