Një drejtësi e kapur me kunetër dhe stërkunetër, me vetting Hallum dhe Dvoran Vetting, nuk do të mund të funksionojë.
Deklarata u bë nga ish-Kryeministri Sali Berisha mbrëmjen e sotme në “Opinion”.
Berisha theksoi se kjo është drejtësia më e kapur që ka pasur Shqipëria.
“Ekzistojnë dokumente edhe me ambasadorin amerikan, sipas të cilave ata që kontribuojnë për hartimin e ligjeve të reformës në drejtësi, për 6 vjet nuk do të merrnin asnjë funksion, pasi kështu do të provohej se kanë miratuar ligje në interesin e tyre.
Dritan Halluni i ka mbyllur dosjen për plagosje një të arrestuari, liroi vrasësit e komisarit të Kombinatit.
Ne ishim ata që insistuam për Vettingun, por jo këtë lloj, pasi kjo është metoda e dekompozimit të sistemit.
Pasi ne nuk pranuam kurrë që t’i mohohej e drejta këtyre gjykatëse që t’i drejtoheshin Kushtetueses, këto na përjashtuan fare ne nga procesi, dhe përdorën metodën nga koka në fund, duke shkrirë Kushtetuesen”, tha Berisha.
