Shqipëri është vendi i çudirave, ku jo në pak raste, ka pasur denoncime për tjetërsim prone dhe kalim pronësie tek një i tretë.
Një qytetar ka denoncuar me zë dhe figurë, se si nëndrejtori i Kadastrës në Vlorë, Klodian Troci, i ka shitur shtëpinë në bashkëpunim me firmën.
Qytetari që e ka dërguar këtë video në “Ti Raporton”, në Top Channel dhe i kërkon nëndrejtorit që të zbatojë vendimin, të cilin e ka prej kohësh në zyrë.
“Ky është një mashtrues, kam 4 vite që bredh dyerve të gjykatave”, dëgjohet teksa flet qytetari.
Duke biseduar me tone të acaruara me zyrtarin e kadastrës, qytetari në video i bën thirrje Kryeministrit të shohë se çfarë po ndodh në Vlorë dhe të marrë masa.
“Edi Rama e shikon këtë oligark, më ka shitur pronën. Merr masa për këtë njeri”, dëgjohet sërish qytetari teksa flet në video./ TCH.
