Ish-Kryeministri Sali Berisha ka postuar në rrjet denoncimin e një qytetari, sipas të cilit drektori i burgut të Shkodrës ka përplasur me makinë një qytetar, i cili po ecte mbi vijat e bardha.
“Drejtori i pirë përplas qytetarin tek kalonte rrugën në vijat e bardha. Qytetari gjendet rëndë në reanimacion. Drejtori qëndroi vetëm 5 orë në komisariat dhe tani vazhdon detyrën!
Mësojeni o qytetarë, në narkoshtet po të shtypën me makinë narkohorrat, ata nuk dënohen. Ligji për ta është thjesht letër e vdekur”, shkruan Berisha në rrjet.
Mesazhi nga qytetari:
Zoti Sali Berisha, unë që po të shkruaj jam nga Ishmi, Durrës. Ditën e mërkurë në oren 10 të darkës më ka përplasur makina vëllanë në Tiranë, kur vëllai im ka qënë duke kaluar rrugën në vijat e bardha.
Personi që e ka goditur është drejtor i Burgut në Shkodër. I pirë, ai ka qëndruar vetëm 5 orë në rajon dhe e kanë lënë të lirë. Vëllai im është në gjendje të rëndë.
Ju lutem ku ta gjej të drejtën, pasi bëhen dhe presione të ndryshmë ndaj nesh. Faleminderit
