Shumë pranë zonës së Plepave në plazhin e Durrësit, një pamje e frikshme është duke bërë xhiron e rrjetit. Në vend të pishave, palmave dhe panoramës së bregdetit, në këtë zonë mbizotëron prej disa orësh tymi dhe era e keqe si pasojë e djegies së mbetjeve urbane.
Mbetje urbane që digjen në qiell të hapur, duke u kthyer në një rrezik evident për jetën dhe shëndetin e qytetarëve.Në mungesë të vendgrumbulimit të tyre, qytetarët kanë zgjedhur ti djegin në qiell të hapur.
Qyteti bregdetar i Durrësit prej kohësh dergjet në keqmenaxhimin e mbetjeve urbane që gjeneron qyteti dhe rrethinat e tij, ku aktualisht fusha e grumbullimit në “Porto Romano” është jashtë funksionit të saj dhe ende pa një zgjidhje konkrete për të.
