Prej disa ditësh ndarja e Nora Istrefit dhe Robert Berishës është kthyer në tematikën kryesore të lajmeve rozë. Roberti konfirmoi ndarjen nëpërmjet një postimi në ‘Instagram’ ku u shpreh për ish-bashkëshorten e tij në mënyrën më të mirë (të cilin të nesërmen e fshiu).
Së fundi janë zbuluar disa detaje të reja që tregojnë se shkaku i ndarjes ka qenë një lidhje jashtëmartesore e Robertit me një modele. Sipas “Insajder” Nora e ka paditur Robertin në Gjykatën Themelore të Prishtinës për këtë gjë dhe disa ditë pas kësaj padie, ai ka dhënë lajmin në rrjete sociale.
“Padia është dorëzuar dy javë më parë në Gjykatë. Arsyeja e kësaj është se Robert Berisha, është abuzues dhe është në lidhje jashtëmartesore me një modele nga Prishtina”, thotë burimi. Sipas po të njëjtit burim, çifti i njohur i showbiz-it ka një vit e gjysmë që janë ndarë, por këtë e kanë mbajtur larg syve të publikut. Pavarësisht këtyre lajmeve, kujtojmë se disa muaj më parë Nora tha gjatë një interviste se ajo dhe Roberti vazhdonin të ishin të dashuruar dhe shumë të lumtur.
/Marrrë nga Insajderi/
