Një 26 vjeçar u arrestua nga policia me akuzën e përndjekjes dhe kanosjes me armë të një shtetaseje. Burime zyrtare nga policia bënë të ditur se është arrestuar shtetasi F.M 26 vjeç, banues në Ura Vajgurore, i cili është kallzuar nga shtetasja L.T për përndjekje dhe kërcënim me armë zjarri.
Njoftimi i policisë
Përndiqte sistematikisht dhe kanoste me armë zjarri një shtetase, arrestohet nga policia autori
Sekuestrohet një armë zjarri tip automatik.
Nga Specialistët e Seksionit për Krimet pranë Komisariatit të Policisë Berat u bë e mundur kapja dhe arrestimi në flagrancë i shtetasit:
F. M., 26 vjeç, banues në Ura Vajgurore.
Arrestimi i tij u bë pasi shtetasja L.T. ka kallëzuar se ky shtetas e ka përndjekur në mënyrë sistematike dhe e ka kërcënuar me armë zjarri.
Gjatë kontrollit të banesës së shtetasit F.M., u gjet dhe sekuestrua në cilësinë e provës materiale një armë zjarri tip automatik model 56.
Materialet i kaluan Prokurorisë së Rrethit Gjyqësor Berat për veprat penale ‘‘Përndjekja” dhe “Prodhimi dhe mbajtja pa leje e armëve luftarake dhe municionit’’.
