Ish-deputeti dhe ish-ministri socialist Arben Malaj ka mbështetur thirrjen e kolegut të tij, Ditmir Bushati, drejtuar socialistëve, për t’u zgjuar dhe për të minimizuar çco sëmundje që gërryen qeverisjen e vendit.
Përmes një postimi në rrjet, Malaj shkruan se angazhimi i Bushatit nuk është kundër PS-së, por një apel i drejtpëdrejtë kundër kujdo që shpërdoron mandatet.
“Një apel jo vetëm për socialistët. Ditmiri është një koleg që me dashamirësi dhe angazhim pozitiv po përcjell mesazhe publike që apelojnë zgjimin edhe të socialistëve për të parandalur dhe minimizuar çdo sëmundje që gërryen qeverisjen e vendit, dhe që ju rëndojnë padrejtësisht edhe socialistëve të thjeshte.
Ky angazhim i Ditmirit nuk është kundër PS siç do të vrapojnë disa ta etiketojne “trathëtarin” Bushati, Apeli është i drejtëpërdrejtë, i qartë dhe i guxishëm, kundër kujtdo që shpërdoron mandatet dhe përgjegjësitë publike dhe politike”, shkruan Malaj në rrjet.
Ish-Ministri i Jashtëm, Ditmir Bushati, në përkujtim të 81 vjetorit të ndarjes nga jeta të poetit të madh shqiptar Migjeni ka zgjedhur pikërisht poezinë e tij “Zgjimi” për të përshkruar edhe realitetin që po kalon vendi.
“O vullnete të ndrydhura! O vullnete të shtypuna! Shkundni prangat të mbrapshta!” thuhet ndër të tjera në vargjet e Migjenit.
Me këtë poezi të Migjenit, Bushati u bën thirrje socialistëve të vërtetë, të zgjohen nga gjumi letargjik, të reagojnë kundër vendimeve autoritare të kryetarit të PS dhe kryeministrit, i cili i injoron socialistët, duke u imponuar edhe kandidatura jashtë dëshirës së tyre, siç rezultoi Valdrin Pjetri, person me rekorde kriminale, për kandidaturën e tij socialistët shkodranë nuk u përfillën fare.
