Një 38-vjeçar është arrestuar nga policia e Lushnjes për veprat penale “Prodhimi dhe mbajtja pa leje e armëve dhe municionit luftarak” dhe “Dhuna në familje”.
Gjithçka nisi pas një konflikti me të ëmën. Burime zyrtare nga policia bënë me dije se autori “dyshohej se do kryente krim të rëndë në familje, pas konfliktit me nënën e tij”.
“Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin: E.D, 38 vjeç, banues në Dushk, Lushnjë.
Policia e Lushnjës ka marrë njoftim në rrugë operative se ky shtetas po konfliktohej me nënën e tij, në banesën e tyre, në Dushk të Lushnjës. Policia ka vlerësuar menjëherë informacionin dhe falë reagimit në kohë u bë e mundur kapja në flagrancë e tij dhe gjetja në trup e një arme zjarri pistoletë me silenciator. Gjithashtu në cilësinë e provës materiale u sekuestruan edhe 43 fishekë luftarakë”, thuhet në njoftimin e policisë.
