Nënkryetari i PD-së, Edi Paloka, ka reaguar në rrjetet sociale lidhur me krimet që ndodhin në vend. Ai shkruan se shqiptarët vriten për një pasqyrë makine ose për një kondicioner, por përshëndesin xhelatin që i ka tortuar.
“Nuk kam arritur kurrë të shpjegoj sjelljen e bashkëpatriotëve të mi që vriten në rrugë për një pasqyrë të gërvishtur makinë, vriten për një kondicioner, por shohin me qetësi, madje disa dhe përshëndesin, xhelatin që i ka torturuar e ju ka marrë jetën”, shkruan Paloka.
Reagimi i ish-deputetit demokrat vjen një ditë pasi një 26-vjeçar që punonte si teknik kondicionerësh u vra me një plumb në kokë.
