PËRDITËSUAR/ Boldews sjell pamjet e vendit të ngjarjes nga pallati në rikonstruksion, ku humbën jetën dy punëtorë dhe u plagosën tre të tjerë. Në video duket një prej punëtorëve të lënduar pas shembjes së skelës, i shtrirë përtokë.
***
Shoqërohet administratori i punimeve
Policia konfirmoi se ka shoqëruar administratorin e punimeve “për veprime të mëtejshme”. Ishte kompania “Skela Syla SHPK” dhe subjekti Person Fizik “Xhimi Tarushi” që po kryenin punimet e rikonstruktimit të ndërtesës. Personi që është shoqëruar është administratori i subjektit Person Fizik “Xhimi Tarushi”.
***
(Ora 16:45) Rëndohet bilanci/ Kush janë dy punëtorët që humbën jetën nga shembja e skelës në Tiranë. 3 të plagosur
Ka ndërruar jetë edhe punëtori që mbeti i bllokuar nën rrënoja pas shembjes së skelës në kryeqytet.
Dy personat që kanë ndërruar jetë janë Ergys Brahimaj 36 vjeç dhe Orjan Kodra 31 vjeç.
Ndërsa tre punëtorë e plagosur janë Genti Bardhi 44 vjeç, Euglidios Lika 34 vjeç dhe Altin Marku 36 vjeç, të cilët ndodhen në spitalin e Traumës. Burime nga spitali thanë se të lënduarit kanë dëmtime të shumta, megjithatë gjendje e tyre është e stabilizuar.
Ngjarja – Sipas një rindërtimi paraprak të ngjarjes nga policia, ora shënonte rreth 15:00 kur nga një ndërtesë në rikonstruksion në rrugën “Faik Konica” është shkëputur një pjesë e skelës metalike. Si pasojë e shkëputjes së skelës janë dëmtuar punëtorët të cilët ndodheshin duke punuar pranë këtij objekti. Dy punëtorët që humbën jetën, i ka zënë skela poshtë.
*************
(Ora 16:00) Vdes një nga punëtorët, dy të plagosur
Një nga punëtorët e lënduar nga shembja e skelës në një ndërtesë në rikonstruksion në kryqytet ka ndërruar jetë, një tjetër është ende nën rrënoja, ndërsa dy janë në spital. Të dhënat janë konfirmuar nga policia e Tiranës.
“Rreth orës 15:00, panë rrugës së Elbasanit, nga një ndërtesë në rikonstruksion është shkëputur një pjesë e skelës metalike. Si pasojë e shkëputjes së skelës janë dëmtuar 4 nga punëtorët të cilët ndodheshin duke punuar pranë këtij objekti, shtetasit G.B.,44 vjeç dhe E.L., 34 vjeç janë dërguar të cilët janë dërguar në spital për ndihmë mjeksore. Dy puntorë të tjerë i ka zënë skela poshtë dhe është nxjerrë turpi i pajetë njërit prej tyre. Policia e Zjarrfiksja vijojnë punën për nxjerrjen e personit tjetër”, njoftoi policia.
“Policia ka shoqëruar administratorin e punimeve për veprime të mëtejshme. Grupi hetimor ndodhet në vendngjarje ku po vijin punën për sqarimin e mëtejshëm të rrethanave të ngjarjes”, shtuan të njëjtat burime.
***
(15:15) Shembet skela në Tiranë, 4 punëtorë të plagosur
Katër punonjës janë plagosur pas shembjes së një pjese të skelës të një pallati në rikonstruktim. Ngjarja ka ndodhur pasditen e sotme në kryeqytet në rrugën “Faik Konica” dhe dy prej punëtorëve ndodhen në gjendje të rëndë shëndetësore. Ka qenë banorët ata që kanë lajmëruar ambulancën, që ka shkuar në vendngjarje dhe ka transportuar në spital të lënduarit.
