Policia ka vënë në pranga pronarin e lokalit në Porto Palermo, pas ngjarjes së ndodhur një ditë më parë, ku ndoqi nga pas dhe dhunoi një grup turistësh spanjollë.
Mësohet se shtetasi i arrestuar është 51-vjeçari, Mihal Kokëdhima, një kushëri i kryetarit të Partisë Zgjidhja, Koço Kokëdhima.
Mihal Kokëdhima goditi fizikisht turistët dhe iu dëmtoi mjetin e tyre.
NJOFTIMI
Në lidhje me konfliktin me turistët spanjollë, arrestohet në flagrancë shtetasi:
M.K., 51 vjeç, banues në Sarandë.
Policia e Sarandës në bashkëpunim me Policinë e Himarës, pas hetimeve të kryera në lidhje me konfliktin e djeshëm në një lokal të Himarës, kanë bërë të mundur arrestimin në flagrancë të 51 vjeçarit pasi:
Ditën e djeshme, në lokalin e tij Bar-Restorant në Porto Palermo të Himarës, shtetasi M.K., për motive të dobëta ka kanosur me fjalë një grup turistësh spanjollë dhe më pas ka dëmtuar mjetin e transportit privat të tyre dhe është konfliktuar fizikisht me ta duke u shkaktuar dëme në trup por më shumë është dëmtuar shtetasia spanjolle K.R.
Materialet iu referuan Prokurorisë në ngarkim të tij për veprat penale “Kanosja”, “Dëmtime të tjera me dashje”, “Shkatërrimi i pronës”.
