Vendosja e memorialit turk në kodrat e liqenit artifiacial në Tiranë në përkujtim të 251 të rënëve, në mbrojtje të pushtetit të Erdogan në 15 korrik të vitit 2016 gjatë një grushti shteti të dështuar, ka shtuar pakënaqësi të madhe ndaj shqiptarëve jo vetëm brenda territorit të Shqipërisë por dhe jashtë saj.
Arian Asimi, drejtuesi i medias shqip, Tv Nova Media, që transmeton nga Çikago për gjithë shqiptarët në SHBA dhe gjithë diasporën në botë ka reaguar mjaftë ashpër në lidhje me këtë ngjarje.
Në një interviste me Ilir Borovan në ‘Nova Media’, ai ka premtuar 1000 dollarë shpërblim, për këdo shqiptarë që prish memorialin turk të vendosur nga dyshja Rama-Veliaj.
“Unë bëj thirrje me sinqeritet; kushdo shqiptarë që vete e prish atë memorial e ta hedhin poshtë atë qelbësirë që ka bërë Turqia në Shqipëri, do të marrë nga unë 1000 dollarë…Ne jemi të varfër, por nuk jemi njerëz të mbaruar, kemi karakter, kemi dinjitet, nuk na duhet. Turku është në Azi ne jemi në Europë”, ka deklaruar i revoltuar drejtuesi i ‘Nova Media’.
