Në letrën e deputetit të Partisë Socialiste, Vladimir Kosta drejtuar kreut të partisë Edi Rama, ndër të tjera përmendej dhe një person që etiketohej si “jevgu i Beratit. Ky i fundit kishte përfituar 11 mijë euro nga Kosta me kërkesë të Edia Ramës.
Letra publike e Kostës ishte si një ‘shfryrje mllëfi’ nga ana e të zgjedhurit në Kuvend për gjithë zhgënjimin këto 3 vite në parti.
Shuma prej 110 mijë euro u përmend në letër nga Kosta duke thënë se ato ishin paguar prej tij në hesap të PS-së në një televizion lokal.
Po kush është “jevgu i Beratit” për të cilin shkruan deputeti Kosta?
Ja si thotë: “Kam investuar mund, djersë dhe para për Partinë Socialiste, Berat, Poliçan në 2009. Për një kërkesë tënden i pagova 110 mijë euro televizionit të atij jevgut të Beratit. Ma kërkove me ngulm në një kafene të Beratit, po s’e kujtove, pyet Tikun”, shkruan Kosta në letër.
Personi që mendohet se ka marrë 110 mijë euro, sipas ‘Newsbomb.al’ është Pajtim Daja, i cili nga drejtor i TV Kuçova, u bë pronar i saj, pasi mori lekët nga Lad Kosta dhe pagoi për blerjen e televizionit. Ai ia ndryshoi emrin televizionit, nga TV Kuçova me një emër tjetër “Vatra”, por një televizion që nuk pati asnjë shkëlqim. Pajtim Daja, siç duket në atë kohë, edhe për shkak të marrjes së lekëve e ktheu televizonin e tij në shërbim të PS. Por kishte edhe një arsye tjetër, sepse në vitin 2008, ai ishte arrestuar për riciklim të baterive në mënyrë të jashtëligjshme.
