Lajme befasuese nga Republika Çeke për Pavel Nedved. Nuk janë zëra rreth transferimeve të mundshme të Juventusit në merkaton e kësaj vere, por thashetheme autentike. Sipas “Blesk”, një tabloid i Pragës, zv.presidenti bardhezi është ndarë nga bashkëshortja e tij, Ivana, për t’u lidhur e bashkëjetuar me Lucie Anovcinova.
“Topi i Artë” i vitit 2003 është kapur mat nga paparacët në kryeqytetin anglez, gjatë “Longines Global Champions Tour of London 2019”. Lucie, një e apasionuar e madhe e hipizmit (e garave me kuaj), është sa gjysma e moshës së tij (23 vjeçe), vetëm një vit më e madhe sesa vajza e ish-futbollisti të njohur. Nedved duket se ka vendosur t’i ndajë rrugët me bashkëshorten, pas 25 vitesh martesë…
