Ivan Perisic është zyrtarisht një futbollist i Bayern Munich. Sulmuesi kroat ka pranuar ofertën e klubit bavarez dhe do të luajë në Bundesliga për sezonin 2019/20.
Kampionët në fuqi të Gjermanisë e kanë marrë nga Inter-i me formuëln e huazimit dhe të drejtën e blerjes në fundin e sezonit. Perisic është prezantuar para tifozëve të rinj dhe ka rrëfyer emocionet e tij për transferimin te Bayern.
“Të gjithë e dinë se Bayern është një klub i madh. Për mua, Bayern është mes 5 klubeve më të mirë të botës. Kur një skuadër e tillë të thërret, nuk mund të thu ash jo. Kjo është arsyeja pse jam këtu, premtoj se do të jap maksimumin për të fituar shumë trofe”, ka thënë kroati.