“Ju q*** motrën! Do t’ju rrjepim si serbi”, Antiterrori shpall në kërkim personat që kërcënuan kosovarët dhe maqedonasit

Policia ka shpallur në kërkim dy personat që kanë kërcënuar përmes një videoje shtetasit kosovare dhe maqedonas, për të mos ardhur në Shqipëri për plazh. Në një njoftim zyrtar, policia bën me dije se drejtoria e Antiterrorit në Policinë e Shtetit ka nisur një procedim penal për dy personat, të cilët ndodhen jashtë Shqipërisë dhe po punohet për kapjen e tyre.

“Ju q*** motrën! Do t’ju rrjepim si serbi po erdhët në plazhet shqiptare”, radikalët katolik të Shqipërisë kërcënojnë kosovarët dhe maqedonasit (VIDEO +18)

“Nisur nga disa publikime në datën 12.08.2019 në media elektronike dhe konkretisht në portalin ‘Insajderi’ ku shkruhet se: ‘Dy radikal fetar katolik nga Shqipëria, përmes disa videove të cilat janë ardhur në redaksinë e Gazetës Insajderi, dëgjohen duke ofenduar myslimanët nga Kosova dhe Maqedonia të cilët shkojnë për pushime në bregdetin shqiptar”, ju informojmë se: Policia e Shtetit ka nisur menjëherë verifikimet përkatëse për të vënë para përgjegjësisë ligjore këta komentues të cilët me komentet e tyre nxisin urrejtjen dhe grindjet. Nga tërësia e veprimeve procedurale të kryera janë identifikuar dy personat që kanë folur me gjuhën e urrejtjes të cilët janë: A.Z,, 39 vjeç, banues në Hot, Malësi e Madhe; L.M, 36 vjeç, banues në Kallmet Lezhë. Të dy këta persona janë shpallur në kërkim policor pasi nga verifikimet ka rezultuar të jenë jashtë territorit të Republikës së Shqipërisë”, thuhet në njoftimin zyrtar të policisë.

LEXO EDHE  Rama në dijeni të dosjes Kajmaku/ Basha: I gatshëm të zgjidh krizën, sipas standardeve...

Te njejtat burime shtuan se, materialet procedurale në ngarkim të shtetasve të sipërpërmendur i janë referuar Prokurorisë së Rrethit Gjyqësor Shkodër dhe Lezhë për veprën penale të “Nxitje e urrejtjes ose grindjeve” parashikuar nga neni 265 i Kodit Penal të Republikës së Shqipërisë dhe po punohet për identifikimin e personave të tjerë të implikuar në këtë aktivitet.