Një person ka mbetur i plagosur rëndë pasi mjeti i tij tip Fadromë, doli nga rruga, duke i sjellë lëndime të rënda.
Ngjarja ka ndodhur në fshatin Nikollarë të Moglicës, ku i plagosur ka mbetur shtetasi U.M, rreth 51 vjeç, nga fshati Sovjan.
Informacioni i Policisë
Më datë 06.08.2019, në fshatin Nikollarë, Moglicë, shtetasi U.M, rreth 51 vjeç, banues në Sovjan, duke drejtuar një mjet tip fadromë, dyshohet se ka dalë nga rruga dhe për pasojë ka marrë dëmtime vetë drejtuesi i mjetit, i cili pas ndihmës mjekësore në Spitalin e Korçës u dërgua në Tiranë, për mjekim më të specializuar.
Grupi hetimor po punon për zbardhjen e rrethanave të ngjarjes
