Të tjera detaje janë zbuluar nga ngjarja e ndodhur pasditen e djeshme në Vlorë, ku një biznesmen humbi jetën, dhe u plagos djali i tij.
Policia raportoi se pas një sherri banal është qëlluar me armë zjarri ndaj pronarit të një lokali, djalit dhe nipit të tij, ndërsa fillimisht u tha se autorët ishin dy persona.
Por nga kamerat e sigurisë dhe nga hetimet e kryera, ka rezultuar se autorët ishin 4 persona, të identifikuar si Eduart Xhezo, Ariel Kingji dhe dy vëllezërit Ç.L e G.L.
Konflikti ka nisur pasi një kalë ka kaluar gjatë ditës mes plazhistëve në zonën që administrohej nga Arben dhe Ergest Beqiraj. Babë e birë kanë dhunuar personi që ishte mbi kalë dhe ai më pas është larguar.
Një orë me vonë ka mbërritur në zonë një makinë me katër persona. Dy prej të cilëve janë afruar për të diskutuar dhe dy të tjerë në distancë pasi ka nisur konflikti verbal kanë shtënë në drejtim të Arben Beqirajt, të birit Ergest Beqiraj dhe kushëririt të tyre Nesim Hodaj.
Pas disa orësh Arben Beqiraj ndërroi jetë në spital.
