Ish-kryeministri Sali Berisha ka postuar në rrjet një video, ku shfaqet një avion duke flutuar, ndërsa ai e cilëson si pjesë e narkoflotës që transporton drogë drejt Italisë.
“Narkoflota nuk pushon nga Kanabistani në Itali! Ky është një fluturim në zonën e Durrësit”, shkruan Berisha në rrjet.
Gjatë ditëve të fundit ish-kryeministri ka denoncuar edhe dy raste të tjera, një në Kukës dhe një tjetër në Kavajë.
Kujtojmë se Berisha ishte politikani i parë që denoncoi avionët e drogës në Shqipëri, akuzë kjo që fillimisht u konsiderua si shaka, madje edhe nga Presidenti aktual Ilir Meta, që në atë kohë ishte Kryetar i Kuvendit. Qeveria nga ana e saj në atë kohë tha se avionët që denonconte Berisha përdoreshin nga Ministria e Shëndetësisë për spërkatje kundër mushkonjave.
