Prej orës 08:00 të ditës së sotme, punonjësit e bashkisë dhe të institucioneve në varësi të saj, janë angazhuar në një aksion vullnetar, të ngjashëm me ato të kohës së diktaturës, për pastrimin e zonave të ndryshme të qytetit.
Me një urdhër të kryebashkiakes Valbona Sako, të gjithë punonjësit e bashkisë, kopshteve dhe çerdheve, ato të Teatrit “Aleksandër Moisiu”, do të jenë në krah të punonjësve të ndërmarrjeve komunale, për pastrimin e qytetit.
Ky është edhe urdhëri i parë që Sako ka firmosur si kryebashkiake, duke detyruar pjesën e administratës që ka nën varësi që në një ditë pushimi, të vihet në rresht për një, me fshesa apo mjete të tjera, dhe të pastrojnë territoret ku janë ndarë, në bazë të një liste që i është njoftuar mbrëmjen e djeshme.
Plan veprimi për të shtunën:
1-Ndermarrja Rruga me fadromat do te jete ne Kampusin e Universitetit tek ish Keneta, Durresi i ri, bashke me administraten e nderrmarjes.
2-Nderrmarrja Komunale Plazh do te jete nga Ura e Dajlanit deri ne Plepa bashke me administraten e nderrmarrjes.
3-Nderrmarrja e Sherbimeve Komunale Durres do te jete nga Ura e Dajlanit, Stacioni Trenit, Shetitorja Taulantia deri ne Currila bashke me administraten e nderrmarjes.
4-Pallati Sportit, Pallati Kultures dhe Biblioteka tek stadiumi.
5-Arsimi (Kopeshte, Cerdhe) do te jete tek spitali nga mbrapa.
6-Zjarrfikëset do te jene ne plazh nga ura Dajlanit deri ne Plepa.
7-Administrata e Bashkise Durres do te jete nga sheshi Taulantia deri ne Currila.
8-Ndermarrja UKD do jete ne pastrim ne Sektorin Rinia.
