Duket sikur është kthyer në synimin e ditës, për kryeministrin Rama. Çdo ditë gjen një aktor për ta publikuar në rrjetet sociale duke i atashuar deklarata të tyre që mbështesin prishjen e Teatrit Kombëtar. Madje, kreu i qeverisë është kaq i fiksuar sa duket sikur i ka vënë vetes synim të plotësojë një numër të caktuar aktorësh duke luajtur edhe me deklaratat e tyre e duke i nxjerrë jashtë konteksti.
E fundit por edhe e dyta për sot, vjen një tjetër deklaratë që sipas Ramës mbështet fortë prishjen e godinës së teatrit. Me kaq shumë aktorë sa u bënë në rradhë për ta prishur natyrshëm lind pyetja se ç’dreqin janë ata që protestojnë e që janë ngujuar me muaj të tërë përpara godinës së teatrit.
STATUSI I PLOTE
Ardian Cerga u shfaq në vëmendjen e publikut, si një profil i ri dhe jashtë kornizës së asaj kohe, kur pati fajin se i ngjante më shumë gansterëve që interpretonte Alen Deloni, se sa partizanëve apo ballistëve të Realizmit Socialist. E trajtuan si një artist të degjeneruar dhe e degdisën në Shtëpinë e Kulturës së Beratit, pa të drejtë aktrimi! Edhe Ardian Cerga e ka një opinion për çështjen e teatrit dhe si të gjithë ata që duan teatrin përpara politikës dhe nuk kapen pas politikës për të bërë teatër, ai mbështet shembjen e ngrehinës ekzistuese dhe ndërtimin e Teatrit të Ri Kombëtar, ne të njëjtin territor.
