Aksident me një person të plagosur rëndë në aksin Lezhë- Shëngjin. Nga të dhënat e para mësohet se një makinë është përplasur me një motor. Drejtuesi i motorit është dërguar në gjendje të rëndë në spitalin Rajonal.
“Në aksin rrugor Lezhë-Shëngjin, në vendin e quajtur ‘Sakë’, mjeti me drejtues shtetasin B.T., është përplasur me motoçikletën me drejtues shtetasin T.D., 60 vjeç, banues në Lezhë. Si pasojë e përplasjes ka mbetur i dëmtuar drejtuesi i motoçikletës, i cili është transportuar në spitalin Rajonal të Lezhës Grupi hetimor vazhdon veprimet në vendngjarje për sqarimin e rrethanave të aksidentit”, thuhet në njoftimin e policisë.
