Specialistët për Hetimin e Krimeve në Komisariatin e Policisë Divjakë, kapën dhe ndaluan shtetasin S.Xh, 61 vjeç, banues në Divjakë.
Sipas policisë, S.Xh., për motive të dobëta ka goditur me sende të forta djalin e xhaxhait të tij shtetasin M.Xh, 60 vjeç, i cili ndodhet në Spitalin e Lushnjes nën kujdesin e mjekëve.
61-vjeçari pasi ka goditur djalin e xhaxhait ditën e djeshme, është larguar nga vendngjarja dhe është kapur gjatë natës nga shërbimet e policisë Divjakë.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje”.