Dy viktima në plazhet shqiptare këtë të diel.
Një 33-vjeçar ka humbur jetën në Gjirin e Lalëzit. Sipas një rindërtimi paraprak të ngjarjes nga policia, i riu u mbyt pasi u rrëzuar në det nga një motor uji.
“Rreth orës 13:50, në Gjirin e Lalëzit, shtetasi B.M., rreth 33 vjeç, banues në Tiranë, duke bërë xhiro në det me motor uji është rrëzuar dhe është mbytur, ai u transportua në Spitalin Rajonal Durrës, ku ka ndërruar jetë. Grupi Hetimor po punon për zbardhjen e plotë të ngjarjes”, thuhet në njoftimin paraprak të policsë.
Një grua humbi jetën gjithashtu në Durrës. Sipas policisë, ajo u ndje keq pasi u fut në det për tu larë. Dyshohet se pësoi atak kardiak.
/BN/
