Kreu demokrat, Lulzim Basha, shprehet se debati për Teatrin Kombëtar është loja për të fshehur grabitjen 200 mln euro.
Basha ka sjellë në vëmendje deklaratën e 1 viti më parë lidhur me Teatrin, ndërsa shkruan se afera Rama-Veliaj e Kullave 200 milionë Euro te Teatri Kombëtar nuk ka të bëjë fare me Teatrin, por vetëm me ndërtimin e kullave 200 milionë euro dhe pastrimin e parave të drogës.
“Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri.
I lumtur që kontratën e nënshkruam brenda Teatrit Kombëtar këtë të enjte!”, shkruan Basha.
Qeveria i qëndron projektit për shembjen e godinës aktuale të Teatrit Kombëtar dhe ndërtimit të një kompleksi me kulla, mes të cilave do të jetë edhe godina e re e Teatrit. Projekti i qeverisë që kundërshtohet nga artistët, aktorët, shoqëria civile, opozita, i jep të drejtën kompanisë Fusha të realizojë ndërtimet shumëkatëshe.
Komenti i Lulzim Basha
Afera Rama-Veliaj e Kullave 200 milionë Euro te Teatri Kombëtar nuk ka të bëjë fare me Teatrin, por vetëm me ndërtimin e kullave 200 milionë euro dhe pastrimin e parave të drogës.
Debati për Teatrin është loja për të fshehur grabitjen 200 milionë euro.
Më poshtë deklarata ime një vit më parë me 28 korrik 2018:
“Rama nuk ka asnjë interes për teatër të ri pa kulla. Afera me Teatrin Kombëtar është për kullat e për të futur në xhep 200 mln euro, dhe jo për Teatrin, sepse për të nuk ka Teatër pa kulla. Vetëm për luks qeveritar, Rama ka shpenzuar aq para sa për të ndërtuar 5 teatro kombëtarë.
Unë i kuptoj artistët që kërkojnë një teatër më komod. Ka disa mundësi për një teatër të ri, si në Bulevardin e ri të Tiranës. Teatri aktual restaurohet në shërbim të artit e kulturës por dhe si monument unik i trashëgimisë kulturore të Tiranës.
Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri.”
P. S. I lumtur që kontratën e nënshkruam brenda Teatrit Kombëtar këtë të enjte!
