Tragjedi në një familje shqiptare në Itali, që ka humbur vajzën 4 vjeçe gjatë pushimeve verore. Siç raportuan këtë të shtunë mediat italiane, vogëlushja ndërroi jetë në spital, pasi ra në pishinën e resorit “Centro Vacanze La Risacca“ në “Porto SantʼElpidio”, të dielën e kaluar.
Sipas një rindërtimi paraprak të ngjarjes, vogëlushja me iniciale L.K., ra në pishinën e resorit duke marrë dëmtime të shumta në tru. Ajo u transportua në spitalin e Ankonas, por nuk arriti të mbijetojë duke ndërruar jetë mbrëmjen e djeshme. Lajmin e bëri me dije vetë qendra e pushimit përmes një njoftimi.
“Sapo morëm lajmin se vajza e vogël që rrezikoi të mbytej në pishinë të dielën e kaluar, për fat të keq nuk ia doli. I gjithë stafin i bashkohet dhimbjes së familjes së të vogëlushes. I kërkojmë të gjithëve një lutje për këtë familje”, thuhet në njoftimin e shkurtës të qendrës së pushimeve në Facebook.
Në “Centro Vacanze La Risacca“, vogëlushja shkoi me të atin dhe vëllain 6 vjeç. /Boldnews.al/
