Basha del nga Prokuroria e Krimeve të Rënda ku për rreth 1 orë e 30 minuta iu përgjigj pyetjeve të Prokurorëve bleg.
“Dhashë informacione të plota edhe më shumë se çfarë kam dhënë në publik. Taulant Balla duhet të ishte në pranga. Pastrimi i parave është problem ekonomik, politik për stabilitetin e vendit. Qeveria e Ramës është kthyer në shërbëtorin dhe pastruesin e parave dhe të krimit. Koncesionet, tenderët ndërtimet mbi truallin publik, gjithçka po bëhet për pastrimin e parave të pista dhe të drogës.
Synimi kryesor i Ramës është që përmes pastrimit të parave të krimit të organizuar të akumuloi sa më shumë para. Morali i vetëm, qëllimi i vetëm është grumbullimi dhe mbajtja e pasurive të shqiptarëve.
Koncesioni i Milot-Balldren është pastrim Parash, Unaza e Re, pastrim parash, ndërtimi i stadiumit pastrim parash, tenderët pastrim parash.
PD e ka prioritet numër 1 luftën kundër pastrimit të parave. Do vëmë para përgjegjësisë gjithë zyrtarët e përfshirë dhe do të konfiskojmë paratë e pista si një nga shtyllat e programit tonë për të rikthyer rendin dhe sigurinë dhe për të rikthyer ekonominë. Dëshmia është dhe do të mbetet në kuadër të rregullave të drejtësisë shqiptare dhe drejtësisë belge.
Dhashë informacione të Plota”, deklaroi Basha
