Kukësi eliminohet nga Europa League. Kukësi barazoi sot në “Elbasan Arena” 1-1 me Debrecenin, në ndeshjen e kthimit e vlefshme për turin e parë të Europa League. Takimi i parë në Hungari përfundoi me rezultatin 3-0 në favor të Debrecen.
Përveç Kukësit, nga Europa League u eleminuan edhe Laçi e Teuta. E vetmja skuadër ende në garë në këtë kompeticion mbetet Partizani.
Ndeshja
Verilindorët e drejtuar nga Ernest Gjoka u eliminuan me rezultatin e përgjithëm 1-4 nga ekipi i Debreçenit, që kalon në raundin tjetër të UEFA Europa League.
Verilindorët e nisën takimin e kthimit në mënyrë të shkëlqyer, duke gjetur rrjetën në minutën e 17-të. Ishte Et’hemi ai që shënon një gol shumë të bukur, por dhe pasimi i Rrocës ishte fantastik. Mendohej se verilindorët do të hidheshin të gjithë në sulm për të përmbysur humbjen e parë 3-0 në Hungari, por pjesa e parë u mbyll me vetëm këtë gol të numrit 11.
E dyta nisi sërish me dëshirën e Kukësit për të gjetur rrjetën, por Debreçeni u mbrojt shumë mirë dhe luajti me qetësi të admirueshme. Madje, ekipi mik arriti edhe të shënojë në minutën e 58’, dol që vendosi dhe rezultatin final të sfidës, 1-1.
Golat
Min 58′ – Gafa e portierit Stivi Frashëri, i cili nuk largon siç duhet topit, teksa hungarezët shënojnë me portën e boshatisur, me anë të futbollistit Zatmari.
Min 17′ – Ethemi kalon në avantazh verilindorët. Pas një asist fantastik të Rrocës, futbollisti 21-vjeçar e merr mjaft mirë topin brenda zonës, shmang mbrojtësin kundërshtar dhe e dërgon sferën në trekëndësh.
