Shuhet ëndrra Champions, Partizani me sytë nga Europa League

Partizani eliminohet nga Liga e Kampionëve.

“Demat e Kuq” humbën ndeshjen e dytë të fazës së parë eliminatore të Ligës së Kampionëve përballë azerëve të Karabak.

Takimi përfundoi me rezultatin 2-0 në favor të vendasve, që i mjaftoi atyre për të çuar në shtëpi Partizanin, falë rezultatit 0-0 në ndeshjen e parë në Tiranë.

Kthesa erdhi në minutën e 52-të. Një krosim nga e majta e Ailton gjen kokën e kroatit Ozobiç, i cili nuk e pati të vështirë të mposhtë Hoxhën.

 

 

 

LEXO EDHE  FOTO/ Ja renditja e Kategorisë Superiore pas javës së parë, kryeson...

Loja u dominua nga vendasit me Partizanin që provoi të nisej me kundërsulme dhe ritmin e riti vetëm pas pësimit të golit të parë. Por, goli i barazimit nuk erdhi.

Në fund të takimit, Karabak shënoi dhe golin e dytë.

Futbollisti i sapofutur në fushë Kuintana ndëshkoi Alban Hoxhën, në prekjen e parë të topit.

Gara në Europë e Partizanit vijon tanimë në Europa Leagua, ku të kuqtë do të luajnë me Sherif Tirzaspor. Takimi i parë luhet pas dy javësh.  /BN/