Rreth orës 7 të mëngjesit të sotëm, një shqiptar në Giulianova Lido në Itali ka hipur sipër një vinçi dhe ka kërcënuar se do të hidhet nga 30 m.
Sipas mediave italiane, shqiptari ishte ish-punonjës i kompanisë që do të ndërtonte një godinë në zonën përreth dhe nuk ishte paguar nga ajo kompania për të cilën kishte punuar.
Në vendngjarje erdhën menjëherë zjarrëfikësit, një patrullë karabinierësh, se dhe kryebashkiaku Costantini.
Shqiptari zbriti nga vinçi vetëm në momentin që u sigurua se firma do t’i paguante 3400 eurot që i detyrohej.
