Arsitoteles Romero dhe Brajan Braun janë dy nga përforcimet që Partizani ka zyrtarizuar në merkaton e verës. Por, nga të gjitha konfirmimet e merkatos, vetëm këta të dy nuk i janë bashkuar akoma ekipit.
Mesfushori nga Venezuela dhe sulmuesi nga Xhamajka kanë mbërritur dje në kryeqytet dhe nga sot pritet që të vihen nën urdhrat e trajnerit Lerda. Ndonëse janë të federuar në UEFA, nuk pritet që mesfushori Romero dhe sulmuesi Braun të luajnë nesër ndaj Karabakut.
Brajan Braun vjen pas angazhimit me kombëtaren e Xhamajkës, gjë e cila tregon se ka formë fizike, ndërsa sozia e Vidalit do të shikohet në fushë. Nëse në seancat pas ndeshjes së parë do të bindin në stërvitje, Lerda mund t’i aktivizojë në sfidën e kthimit në Azerbajxhan.
