Partizani do të përballet ditën e nesërme me Karabakun në sfidën e vlefshme për raundin e parë të Ligës së Kampionëve. Në lidhje me këtë përballje ka folur edhe ish-kapiteni i Kombëtares, Andi Agolli, i cili nëpërmjet një prononcimi për “TV Klan” nga Amerika, u shpreh:
“Si ndeshje e parë që është parashikoj një ndeshje të kujdesshme. Mendoj që do bëhet një përballje bukur, pasi janë përballë 2 ekipet kampione. Karabak ka eksperiencë dhe është më e favorizuar. Nuk mendoj se Partizani ka nevojë për këshillën time. Partizani e di forcën e kësaj skuadre. Duhet të bëjë një ndeshje perfekte, pasi çdo gabim mund të kushtojë”, u shpreh Agolli.
