Kandidatja e fundit për ditën e sotme që u paraqit para KLP për tu intervistuar ishte Donika Prela, drejtuese e Prokurorisë së Krimeve të Rënda.
Është kandidatja e gjashtë për SPAK-un.
Ndërkohë, rreth dy orë më parë, mbaroi intervistimin në Këshillin e Lartë të Prokurorisë, Besim Hajdarmataj, Prokuror i Krimeve të Rënda.
Ndërsa prokurori Behar Dibra nuk është paraqitur në Këshillin e Lartë të Prokurorisë për të zhvilluar intervistën në kuadër të krijimit të SPAK.
Dibra ka dërguar pranë KLP-së edhe një letër me arsyet e mos paraqitjes, që sipas tij është i angazhuar me një proces gjyqësor.
Nga 22 kandidatë vetëm 15 prej tyre do të përzgjidhen për të qenë pjesë e strukturës antikorrupsion. Por ajo që vlen për tu përmendur është fakti se 10 prej kandidatëve ende nuk e kanë kaluar fazë e parë, atë të vetting-ut.
