Vetëm pak minuta më parë ka vrarë veten Sefedin Zenellari, 71-vjeç kunati i 57 vjeçarit Gramoz Nako të gjetur të vrarë mbrëmjen e kaluar në banesën e tij në të njëjtin qytet.
Mësohet se kur ka shkuar policia në banesën e tij për ta shoqëruar në lidhje me ngjarjen e djeshme, 71 vjeçari është mbyllur në dhomë dhe ka vrarë veten.
Burime konfidenciale nga grupi hetimor bëjnë të ditur se 71 vjeçari dyshohet si autor i vrasjes së Gramoz Nakos,me të cilin ka lidhje familjare.
Fillimisht u raportua se viktima e mbremjes se kaluar, Gramoz Nako ishte gjetur nga bashkëshortja e tij duke u akumuluar se mund të kishte vrarë veten, ndërkohë që burime bëjnë me dije se ekziston mundësia të jetë dhunuar dhe më pas ekzekutuar nga dikush tjeter.
Ai kishte 2 dite me bashkëshorten në një apartament në lagjen numër 7 të Korçës, pasi jetonte në Shtetet e Bashkuara të Amerikës dhe ishte kthyer në vendlindje.
