Ish-Ministri i Drejtësisë, Ylli Manjani, ka reaguar pas votimit në Kuvend për ngritjen e Komisionit Hetimor për shkarkimin e Presidentit të Republikës, Ilir Meta.
Sipas Manjanit, deri në 8 Qershor, presidenti ishte korrekt në qëndrimin e tij ligjërisht sipas kryeministrit, por pasi shmangu përplasjen mes shqiptarëve ai u shpall armik.
Manjani thekson se sot Kushtetuta e Shqipërisë ka mbetur në duart e grupit të strukturuar të Dosjeve 184 dhe 339-të.
Ja postimi i plotë i Manjanit:
Deri më datë 8 qershor, Presidenti sipas Ramës ishte “korrekt dhe brenda kornizës Kushtetuese…”. Deklaratë kjo e Edi Ramës në emisionin Open.
Madje deri me datë 7 qershor ishte burrë i mirë dhe me vlera.
Refuzimi i Gent Cakës kishte ndodhur ndërkohë. Por prapë, ishte “korrekt me Kushtetutën”.
Sot, Kryeministri i kujtua se Meta nuk paska qenë “korrekt” duke mos dekretuar propozimet për ministër.
Ndërkohë, sa për kujtesë, Edi Rama është dekretuar edhe Ministër i Jashtëm…
Tani, është “korrekt” apo s’është korrekt?! Jerm komplet!
Po kështu është kur ka mbetë Kushtetuta e Republika në duart e jermit dhe të grupit të strukturuar elektoral me numër 339/1 dhe 184.
