Presidenti Ilir Meta ka telefonuar kryeministrin e ri të Greqisë Kyriakos Mitsotakis pas publikimit të rezultateve të zgjedhjeve që u mbajtën ditën e djeshme në shtetin fqinj. Meta i ka uruar Mitsotakis suksese në detyrën e re.
Ai shprehet shpresëplotë se marrëdhëniet mes dy shteteve do fuqizohen duke shtuar se progresi i Greqisë është shumë i rëndësishëm për shqiptarët që jetojnë atje por edhe për të ardhmen e përbashkët europiane.
“Kënaqësi t’i uroja sot gjatë një bisede telefonike, shumë suksese, kryeministrit të ri të Greqisë, z.Kyriakos Mitsotakis.
Shpresëplotë se marrëdhëniet mes dy shteteve tona do të fuqizohen akoma më shumë në interes të dy popujve tanë .
Progresi i Greqisë është shumë i rëndësishëm për të gjithë shqiptarët që jetojnë atje dhe për të ardhmen e përbashkët europiane”, shkruan Meta.
