Struktura antikorrupsion/ 22 kandidatë në garë për 15vende, ja kur do të pyeten/ Emrat

Struktura e Posaçme antikorrupsion, e njohur ndryshe me shkurtimin SPAK, në bazë të ligjit duhej të kishte nisur nga puna që në 31 gusht 2017. Por kur kanë kaluar dy vite nga kjo periudhë, ende kjo strukturë nuk është ngritur.

Pas krijimit të Këshillit të Lartë të Prokurorisë dhe të Këshillit të Lartë Gjyqësor, u mendua se gjithçka do të bëhej shumë shpejt.

Por mesa duket ende kemi punë për të bërë.

Si gjithmonë në këtë vend ligjet nuk zbatohen. Kandidatët që do të jenë pjesë e garës për të qenë anëtarë të SPAK, u desh një kohë e gjatë që të kaolin Vettingun.

Nga 2017 deri tani kemi dëgjuar vetëm fjalime dhe premtime boshe të ministres së Drejtësisë Etilda Gjonaj, e cila në çdo dalje premtonte ngritjen sa më shpejt të kësaj strukture.

Që SPAK të niste nga puna pikërisht në ambientet ku sot gjendet Prokuroria e Gjykata e Krimeve të Rënda, fillimisht duhet të ishte formuar organi qeverisës i akuzës, Këshilli i Lartë i Prokurorisë, ashtu sikurse për Gjykatën Kundër Korrupsionit dhe Krimit të Organizuar, që do të gjykojë korrupsionin duhet të ishte ngritur Këshilli i Lartë Gjyqësor.

Këshilli i Lartë i Prokurorisë është organi i vetëm kompetent që emëron prokurorin e posaçëm të SPAK. Me përjashtim të Arta Markut, qe aktualisht mban postin e Prokurores së Përgjithshme të Përkohshme, janë në garë 22 kandidatë për 15 vende në KLP.

Vetëm sot KLP ka vendosur të thërras për intervistë 22 kandidatët në garë për të qenë pjesë e SPAK.

Vetëm 15 prej tyre do të kenë undësi të përzgjidhen. Në garë janë futur të gjithë prokurorët e krimeve të rënda, të cilët kanë kaluar vettingun.

Kalendari i zhvillimit të intervistave është si më poshtë:

Në datën 8 korrik 2019 do të zhvillojnë intervistën kandidatët e mëposhtëm:

1. Altin Dumani;
2. Anita Jella;
3. Anton Martini;
4. Arben Kraja.

Në datën 9 korrik 2019 do të zhvillojnë intervistën kandidatët e mëposhtëm:

1. Behar Dibra;
2. Besim Hajdarmataj;
3. Besnik Muçi;
4. Doloreza Musabelliu;
5. Donika Prela.

Në datën 10 korrik 2019 do të zhvillojnë intervistën kandidatët e mëposhtëm:

1. Dorina Bejko;
2. Dritan Prençi;
3. Edvin Kondili;
4. Elida Kaçkini;
5. Elisabeta Imeraj.

Në datën 11 korrik 2019 do të zhvillojnë intervistën kandidatët e mëposhtëm:

1. Ened Nakuçi;
2. Enkeleda Millonai;
3. Enkeleda Xhengo;
4. Klodian Braho;
5. Manjola Kajana.

Në datën 12 korrik 2019 do të zhvillojnë intervistën kandidatët e mëposhtëm:

1. Ndini Tavani;
2. Maksim Sota;
3. Vladimir Mara.

Kandidatët do të njoftohen nominalisht për orarin e zhvillimit të intervistës sipas datave të

përcaktuara më sipër./ Boldnews.al