Katërmbëdhjetë marinarë rusë kanë gjetur vdekjen gjatë një zjarri në një nëndetëse, sipas autoriteteve ushtarake ruse.
Zjarri shpërtheu të hënën, ndërsa ekuipazhi ishte në ujërat territoriale ruse, duke mbledhur mostra biometrike për një studim ushtarak, tha ministria e mbrojtjes.
Detarët vdiqën nga asfiksimi. Nëndetësja ndodhet tani në portin Severomorsk të Arktikut, baza kryesore e flotës ruse në Detin Barenc.
Flota e veriut u pësoi një humbje tjetër në gusht të vitit 2000, kur një nëndetëse bërthamore u dëmtua nga dy shpërthime dhe u mbyt. Të 118 marinarët në bord gjetën vdekjen.
Megjithëse nëndetëset janë plotësisht autonome, ato zakonisht kanë nevojë për anije mbështetëse në sipërfaqe.
