Deputetja e Partisë Socialiste, Senida Mesi votoi sot në Shkodër.
Ajo deklaroi se do të donte më shumë kandidatë në zgjedhjet lokale si dhe u shprehet se “do respektojmë çdo vendim të çdo institucioni ligjor” lidhur me votimet.
“Unë do doja që këto zgjedhjet të kishte shumë konkurrentë. Do doja të kishim më shumë parti politike pjesëmarrëse. Kjo nuk ishte dëshira e PS”, tha Mesi pas votimit.
“Ju e dini shumë mirë që nuk ka minimum për ta quajtur procesin të vlefshëm. Ne do respektojmë çdo vendim të çdo institucioni ligjor lidhur me këtë çështje”, u shpreh ajo.
Nga aktorë politikë dhe jo vetëm është artikuluar se një vendim kundër votimeve të 30 qershorit i Gjykatës Kushtetuese, që sipas socialistëve do ngrihet së shpejti, do të sjellë përsëritjen e zgjedhjeve.
