Në Shkodër, vijojnë të jenë të kyçura me zinxhirë shumica e institucioneve nën varësinë e Bashkisë, e cila më herët ka deklaruar se nuk do të ofrojë asnjë ambient për procesin që e cilëson të paligjshëm pas dekretit të presidentit.
Ndërkohë, KZAZ nr 4 ka nxjerrë një urdhër për lirimin e ambienteve në varësi të bashkisë ku janë vendosur qendrat e votimeve.
Nga KZAZ kërkohet ndihma e policisë për zbatimin e urdhrit. Ndërhyrje kjo që mund të sjellë përplasje.
Qeveria ka vendosur të shkojë në votimet e 30 qershorit pa kundërshtarë në shumicën e bashkive, pavarësisht dekretit të Presidentit Ilir Meta që e caktoi për në 13 tetor datën e zgjedhje. Ndërkohë, bashkitë e drejtuara nga opozita këmbëngulin në zbatimin e dekretit të kreut të shtetit.
