Kreu i Partisë Demokratike Lulzim Basha në një dalje për qytetarët u shpreh se qytetarët ndjehen të neveritur nga fytyra e të keqes dhe të etjes së verbër për pushtet.
Ai tha se në 30 qershor do të filloj spiralja e regjimit të krimit.
Ndërsa shtoi se historia politike e Edi Ramës nuk është vetëm dështimi i tij në art e politikë, por dhe historia e një shoqërie që mashtrohet dhe që i beson fasadës , dukjes dhe që gënjehet nga propaganda.
“Në tre dekada politika shqiptare ka pasur arritje, por edhe ka prodhuar të këqija. Në gjithë këtë mori dështimesh Edi Rama është monumenti më i lartë”
Basha foli edhe për dështimet që ka sjellë Rama.
E keqja tha Basha mposhtet me bashkim dhe qëndresë dhe ajo luftohet me këmbëngulje.
Rama një zombie politik. 30 Qershori hapi fatal politik që ccon drejt rrëzimit regjimin e Ramës
Deklarata
E kam thënë disa herë javët e fundit se 30 qershori do të jetë hapi fatal politik i regjimit kriminal në pushtet. Më 30 qershor do të fillojë spiralja e rrëzimit të këtij regjimi drejt vdekjes së tij.
Më mirë se çdo gjë, këtë rënie të pashmagshme, këto ditë, e shpreh figura prej zombi politik, e cila bredh, prej javësh, nëpër Shqipëri, duke u përpjekur të ringjallet me humorin banal, me mashtrimet bajate, me kërcënimet paranojake.
Ju ftoj ta shikoni mirë këtë fytyrë të përçudnuar nga pesha e krimit dhe e së keqes dhe të mos e harroni pamjen e saj. Neveria që sot shqiptarët ndjejnë për të nuk duhet të na bëjë ta harrojmë atë.
Duhet ta fiksojmë mire fytyrën e së keqes, fytyrën e etjes së verbër për pushtet, fytyrën e tradhëtisë, sepse nuk duhet të lejojmë fytyra të ngjashme rë marrin në dorë fatet tona përsëri.
Shpesh, kur vjen fundi e keqes shoqërore, njerëzit ndjejnë një lehtësim çlirues që i bën ata ta harrojnë shpejt atë që ishte dhe të mos reflektojnë
se si erdhi dhe u forcua e keqja.
Mungesa e reflektimit ka qenë një mallkim shoqëror për ne si shoqëri. Ne, rrallë, kemi reflektuar pas të këqijave, prandaj i kemi përsëritur ato.
Historia politike e Edi Ramës nuk është thjesht historia e një njeriu të dështuar në çdo gjë që provoi në jetë në art, në sport, në shoqëri, që pastaj kërkon verbërisht pushtet dhe para për t’u hakmarrë ndaj botës.
Është edhe historia e një shoqërie që mashtrohet dhe nuk e dallon lehtë fytyrën e urrejtjes, fytyrën e mashtrimit. E shoqërisë që i beson fasadës, që i beson dukjes, që gënjehet nga propaganda dhe në këtë mashtrim kolektiv, i dorëzon të keqes fatet e veta.
