Një 24 vjeçar shqiptar është qëlluar me armë zjarri pas një konflikti që pati me disa persona të tjerë, që dyshohet se edhe ata janë shqiptarë.
Mediat italiane raportojnë se i riu është qëlluar me armë në pjesën e këmbës, por pa rrezik për jetën.
Emri i personit të plagosur nuk bëhet i ditur, ndërsa ai është transportuar drejt spitalit për të marrë ndihmën mjekësore.
Përplasja ka ndodhur rreth orës 01:30 në Tortoreto, pas një debati mes tij dhe autorëve.
Policia po heton ngjarjen duke sekuestruar kamerat e sigurisë, ndërsa i plagosuri ka pohuar se nuk i njeh autorët.
Fatmirësisht plumbi që e ka goditur ka hyrë dhe ka dalë, ndërsa raportohet se gjendja e tij shëndetësore nuk paraqitet e rëndë.
